“O‘zsuvta’minot” o‘zbekistonliklarni so‘nggi paytlarda suv ta’minoti sohasida hisoblagichlar bilan bog‘liq ayrim firibgarlik holatlari kuzatilayotganidan ogohlantirdi, deb xabar beradi “O‘zsuvta’minot” xabar berdi.
Gap shundaki, ba’zi kimsalar iste’molchilarga qo‘ng‘iroq qilib yoki xonadonlariga borib, o‘zini suv ta’minoti xodimi deya tanishitirayotgani va ularga ma’lum miqdordagi pul evaziga suv hisoblagichni qiyoslashdan o‘tkazishni taklif qilayotgani haqida xabarlar kelib tushmoqda. Ushbu shaxslarning ‘O‘zsuvta’minot’ aksiyadorlik jamiyati tizimiga hech qanday aloqasi yo‘q”, — deyiladi kompaniya xabarida.
“O‘zsuvta’minot”ning qo‘shimcha qilishicha, suv ta’minoti tizimi xodimi uyga kelsa, ish joyini tasdiqlovchi guvohonama taqdim etishini talab qilish kerak.
Shuningdek, fuqarolarda bunday firibgarlik holatlari bo‘yicha biron-bir ma’lumot bo‘lsa, quyidagi telefon raqamlariga qo‘ng‘iroq qilish mumkin:
- 12-55 — “O‘zsuvta’minot”AJ yagona call-markazining qisqa raqami;
- +998 (93) 390-47-57 — “Toshkent shahar suv ta’minoti” MChJ Komplayens-nazorati xizmatining telefon raqami.
Izoh (0)