Surxondaryo viloyati Qumqo‘rg‘on tumanida Lacetti yo‘lni kesib o‘tayotgan 5 yoshli qizni urib yuborib, uning o‘limiga sababchi bo‘ldi. Bu haqda viloyat YHXB matbuot xizmati xabar berdi.
Voqea 1-oktabr kuni soat 11:30 larda Qumqo‘rg‘on tumani “G‘alaba” mahallasi hududidan o‘tuvchi avtomobil yo‘lida yuz bergan. 2016-yilda tug‘ilgan qiz onasi hamrohligida tanishining uyidan chiqayotganida yo‘lning narigi betida turgan otasining mashinasini ko‘rgan va uning oldiga bormoqchi bo‘lgan. Yo‘lni kesib o‘tayotganida o‘z yo‘nalishida harakatlanib ketayotgan Lacetti qizchani turtib yuborgan. Ona e’tiborsizlik qilib, qizining qo‘lidan ushlamagan bo‘lgan.
Oqibatda qizcha olgan tan jarohatlaridan vafot etgan.
Yo‘l holati o‘rganilganda ikki tomonga ajratuvchi yo‘l yotiq chiziqlari mavjud emasligi, ammo yo‘l belgilari o‘rnatilgani aniqlangan.
Bundan avval Surxondaryoning Sariosiyo tumanida katta tezlikda ketayotgan Matiz yo‘ldan o‘tayotgan 12 yoshli qizni urib yuborib, uning o‘limiga sababchi bo‘lgani haqida xabar berilgan edi.
Izoh (0)