Сурхондарё вилояти Қумқўрғон туманида Lacetti йўлни кесиб ўтаётган 5 ёшли қизни уриб юбориб, унинг ўлимига сабабчи бўлди. Бу ҳақда вилоят ЙҲХБ матбуот хизмати хабар берди.
Воқеа 1 октябрь куни соат 11:30 ларда Қумқўрғон тумани «Ғалаба» маҳалласи ҳудудидан ўтувчи автомобиль йўлида юз берган. 2016 йилда туғилган қиз онаси ҳамроҳлигида танишининг уйидан чиқаётганида йўлнинг нариги бетида турган отасининг машинасини кўрган ва унинг олдига бормоқчи бўлган. Йўлни кесиб ўтаётганида ўз йўналишида ҳаракатланиб кетаётган Lacetti қизчани туртиб юборган. Она эътиборсизлик қилиб, қизининг қўлидан ушламаган бўлган.
Оқибатда қизча олган тан жароҳатларидан вафот этган.
Йўл ҳолати ўрганилганда икки томонга ажратувчи йўл ётиқ чизиқлари мавжуд эмаслиги, аммо йўл белгилари ўрнатилгани аниқланган.
Бундан аввал Сурхондарёнинг Сариосиё туманида катта тезликда кетаётган Matiz йўлдан ўтаётган 12 ёшли қизни уриб юбориб, унинг ўлимига сабабчи бўлгани ҳақида хабар берилган эди.
Изоҳ (0)