Avstraliyaning Melburndan 10 kilometr uzoqlikda joylashgan Mensfild shahrida (Viktoriya shtati) 5,9 magnitudali zilzila sodir bo‘ldi, deb yozadi “RBK”.
The Sydney Morning Herald ma’lumotlariga ko‘ra, yerosti silkinishlarini Sidney va Kanberra aholisi ham sezgan. Avstraliyaning Yer haqidagi ilm-fan instituti aniqlik kiritishicha, bu Viktoriya shtatida quruqlikda qayd etilgan eng yirik zilziladir.
ABC News yozishicha, zilzila oqibatida Melburnda 46 ta bino qisman vayron bo‘lgan, 35 mingdan ortiq aholi elektr tokidan uzilib qolgan.
Mahalliy fuqarolardan biri nashrga ma’lum qilishicha, yer silkingan paytda u yashaydigan olti qavatli uy u tomondan bu tomonga chayqalgan.
Milliy seysmologiya xizmati kelgusi haftalar yoki hatto oylar mobaynida yerosti silkinishlari takrorlanishi ehtimolidan ogohlantirdi.
Seysmologlar ma’lumotlariga ko‘ra, zilzila epitsentri tog‘larda joylashgan, o‘chog‘i 10 kilometr chuqurlikda bo‘lgan.
Avstraliyalik teleboshlovchilar efirni olib borayotgan paytda zilzila yuz berib, ularni chalg‘itdi.
Mavzuga doir:
- Kanar orollarida 1971-yildan beri “uyquda bo‘lgan” vulqon otilishni boshladi. Undan avval vulqon yaqinida 22 mingta zilzila yuz bergan (foto va video)
- Gaitidagi zilzila qurbonlari soni 2248 kishiga yetdi
- Alyaskada yuz bergan 8,2 magnitudali zilzila so‘nggi 50 yil ichidagi eng kuchlisi deb tan olindi (video)
Izoh (0)