O‘zbekiston Prezidenti Shavkat Mirziyoyev 8-sentabr kuni Tojikiston prezidenti Emomali Rahmon bilan telefon orqali muloqot qildi.
Davlat rahbari birodar Tojikiston prezidenti va xalqini mustaqillikka erishilganining 30 yilligi bilan samimiy muborakbod etib, tinchlik-osoyishtalik, farovonlik, katta muvaffaqiyatlar va ravnaq tilaklarini izhor etdi.
O‘zbekiston va Tojikiston o‘rtasidagi ko‘p qirrali hamkorlikni, eng avvalo, savdo-iqtisodiy sohadagi sheriklikni yanada kengaytirishning dolzarb masalalari muhokama qilindi.
Prezidentlar 2021-yilning 16–17-sentabr kunlari Dushanbe shahrida o‘tkaziladigan Shanxay hamkorlik tashkiloti Davlat rahbarlari kengashi majlisi tadbirlariga tayyorgarlikning borishini ko‘rib chiqdi, shuningdek, Afg‘onistonda vujudga kelayotgan vaziyat yuzasidan fikr almashdi.
ShHTning bo‘lajak sammiti doirasida yetakchilar ikki tomonlama va mintaqa kun tartibidagi masalalar yuzasidan alohida uchrashuv o‘tkazishi yuzasidan kelishuvga erishildi.
Mavzuga doir:
- “Go‘yoki Islom Karimov hozir zalga kirib keladigandek”. Besh yil avval Shavkat Mirziyoyevga prezident vazifasini bajarish yuklatilgan edi. Tarixiy majlisdan reportaj
- Turkmaniston prezidenti Gurbanguli Berdimuhamedov O‘zbekistonga tashrif buyurishi kutilmoqda
- Shavkat Mirziyoyev 9-sentabr kuni O‘zLiDeP qurultoyida ishtirok etadi
Izoh (0)