Rossiya—Finlyandiya chegarasida taksida qo‘shni mamlakatga o‘tmoqchi bo‘lgan peterburglik maktab o‘quvchisi va uning dugonasi qo‘lga olindi, deb xabar beradi Esquire.
Ma’lumotlarga ko‘ra, 16 yoshli qiz yarim yil oldin internet orqali tanishgan, biroq hali uni ko‘rmagan dugonasinikida qolish uchun ota-onasidan ruxsat ololmagan. Shunga qaramay, 30-avgust kuni kechasi ular aylangani chiqqan, keyinroq esa 10-sinf o‘quvchisi ota-onasini yangi tanishinikida qolishini aytib ogohlantirgan, biroq uning manzilini aytishdan bosh tortgan.
Qizning onasi zudlik bilan politsiyaga murojaat qilgan. Tez orada ayolga uning qizi dugonasi bilan Finlyandiya chegarasida to‘xtatilganini ma’lum qilgan. Chegarachilar mamlakatni taksida tark etmoqchi bo‘lgan qizlarning hujjatlarini tekshirish maqsadida to‘xtatgan. Voyaga yetmagan qiz hozirda uyiga qaytarilgan.
Avvalroq AQShda voyaga yetmagan opa-singil okeanga borish uchun ota-onasining Malibu’sini minib qochgani, biroq ular safarning 16-kilometrida yuk mashinasiga urilgani, 11 yoshli o‘quvchi maktab avtobusini haydab qochgani va politsiyachilar uni yarim soat quvlagani, 5 yoshli bola ota-onasining mashinasini haydab chiqib, o‘ziga Lamborghini xarid qilishga yo‘l olgani, Lamborghini olish uchun ota-onasining mashinasini haydab ko‘chaga chiqqan 5 yoshli bolani superkarda sayr qildirishgani to‘g‘risida xabar berilgandi.
Izoh (0)