Amerikalik senator Robert Kennedining qotili Serxan Serxan muddatidan oldin ozodlikka chiqish imkoniyatiga ega bo‘ldi, deb xabar beradi Esquire.
Falastinlik Serxan Serxan Robert Kennedini 1968-yilning iyunida Los-Anjelesdagi “Ambassador” mehmonxonasida otib ketgan. Qotillikka Kennedi Isroilni qo‘llab-quvvatlagani sabab bo‘lgan. Jinoyat sodir etgan vaqtda Serxan 24 yoshda bo‘lgan. Avvaliga Serxan o‘lim jazosiga hukm etilgan, ammo keyinroq jazo umrbod qamoq jazosi orqali yengillashtirilgan.
Kaliforniya qamoqdan muddatidan oldin ozod etish komissiyasi Serxanni ozod qilish bo‘yicha ovoz bergan. 53 yil qamoqda saqlangan qotilning yoshi hozirda 77 da.
Komissiya Serxan jamiyat uchun boshqa xavf tug‘dirmaydi degan xulosaga kelgan. Amerika qonunchiligiga ko‘ra, ozod etish borasidagi yakuniy qarorni shtat gubernatori qabul qilishi kerak.
Serxan o‘tgan davr mobaynida 16 marta afv so‘ragan. Vaziyat Robert Kennedining ikki farzandi falastinlikka yengillik berishni so‘raganidan so‘ng yengillashgan.
Robert Kennedi — 1963-yilda otib o‘ldirilgan AQSh prezidenti Jon Kennedining ukasi hisoblanadi.
Eslatib o‘tamiz, amerikalik siyosatchi, sobiq general, prokuror Robert Kennedining nevarasi Sirsha Kennedi Xill giyohvand moddalar dozasini oshirib yuborishdan 2019-yilning 1-avgustida vafot etgandi.
Izoh (0)