Mett Stouni ismli amerikalik bloger muntazam ravishda ko‘p miqdorda yegulik yeyish bo‘yicha roliklarni tasvir olib keladi. Bu safar u bundan to‘qqiz yil oldin o‘rnatgan rekordini yangiladi — bloger 9 daqiqa 23 soniya ichida 120 ta McDonald’s naggetsini (yog‘da qovurilgan tovuq filyesi) yeyishga muvaffaq bo‘ldi, deb yozadi Esquire.
2012-yilda tasvirga olingan videoda Stouni bu ishni 14 daqiqa-yu 33 soniyada amalga oshirgan. Oradan qariyb to‘qqiz yil o‘tgach u o‘z natijasini 5 daqiqaga yaxshiladi.
Stounining aytishicha, 12 quti naggetsning ichida ikki kilogrammga yaqin yegulik yoki 4920 kilokaloriya bor. Naggetslardan tashqari bloger oldiga souslarni, uch stakan suv va dietik kolani qo‘yib olgan.
Dastlabki daqiqalarda Stouni birdaniga ikkitadan naggets yeyishga tushgan. Chellenjning to‘rtinchi daqiqasida 50 ta naggetsni yeb ulgurgan bloger jag‘i og‘riyotganini aytgan. 70-naggetsni yeyish vaqtida u yana og‘riqdan shikoyat qilgan, 100-naggetsda esa biroz dam olib, suv ichishga majbur bo‘lgan.
Avvalroq Amerika Disneylendida dunyodagi eng qimmat sendvich sotuvga chiqishi to‘g‘risida xabar berilgandi.
Izoh (0)