Britaniyalik sobiq harbiy Kobuldan 200 ta it va mushuklarisiz ketishni istamadi. Ular Toshkent orqali evakuatsiya qilinishi mumkin

Pol Farting ismli sobiq britaniyalik harbiy frontda itni qutqarib qolganidan so‘ng, 2007-yili Kobulda hayvonlar uchun boshpana qurgan. Shundan buyon Pol askarlarning qutqarib qolingan hayvonlar bilan topishishiga yordam bergan, uning markazi esa Afg‘onistondagi qutqarilgan hayvonlar uchun birinchi rasmiy boshpanaga aylangan, deb xabar beradi Esquire.

Hokimiyat tepasiga “Tolibon” kelgach, Pol 60 ta mushugi va 140 ta iti bilan mamlakatni tark etmoqchi bo‘lgan. Pol va uning 68 nafar xodimi harbiy samolyotda evakuatsiya qilinishi mumkin, ammo Farting hayvonlarisiz Afg‘onistonni tark etish niyati emas. Shu sababli unga hayvonlarni tashish borasidagi xalqaro qonunlar bo‘yicha charter reys kerak.

Farting o‘z xodimlari va hayvonlari bilan aeroportda navbatsiz o‘tkazib yuborilishlarini talab qilmoqda. Ammo Britaniya xizmatlari Farting hamda uning it va mushuklarini qolganlardan oldin olib chiqish niyatida emas. Shuningdek, ularning ma’lum qilishicha, Farting boshqa fuqarolarning evakuatsiya qilinishiga xalaqit bermoqda. “Hayvonlardan ko‘ra, odamlarni ustun qo‘yayotganim uchun meni yomon ko‘rishingiz mumkin, biroq bu mening fikrim, shuningdek, haqiqatda xavf ostida qolayotgan juda-juda alamzada insonlar bor”, — deydi Britaniya mudofaa vaziri Ben Uolles.

Uning fikricha, Kobuldan evakuatsiyani amalga oshirish — bugungi kundagi eng xavfli va murakkab ish.

Pol, uning xodimlari va hayvonlar bir necha soat aeroport tashqarisida turib, Amerika maxsus xizmatlari ularning kirishiga ruxsat berishini kutgan. Tekshiruv jarayonlarining qiyin tarafi shundaki, hayvonlar boshpanasining xodimlarini aksariyati afg‘onlar — ular ancha qattiq tekshirilmoqda. Bundan tashqari, Uolles Fartingni aeroportga kirgizishmaguncha samolyot yoki charter reys qidirish bilan shug‘ullanmasligini aytgan.

Aeroportdagi portlashdan so‘ng, amerikaliklar unga kirish qoidalarini o‘zgartirgan va Farting hamda uning jamoasidan aeroport hududini tark etish so‘ralgan. Shunday qilib, u navbatdagi o‘rnidan ajralgan. Bunda Pol AQSh prezidenti Jo Baydenni ayblamoqda.

Polning do‘sti Dominik Deyer Good Morning Britain shousida hayvonlar, Farting va uning jamoasi uchun Toshkent orqali maxsus reys tashkillashtirilgan. Hozirda Farting xodimlari bilan vaziyatning o‘zgarishini kutmoqda.