Amerikaning Luiziana shtatidagi Baton-Ruj shahrida 11 yashar bola maktab avtobusini olib qochdi. “RBK”ning xabar berishicha, bola shahar politsiyasi tomonidan qo‘lga olingan.

Foto: “RBK”

Ma’lum qilinishicha, avtobus 11-oktabr yakshanba tongida Baton-Rujning taxminan shimol qismidan olib qochilgan.

Qoidabuzarlikni payqagan politsiya, mahalliy vaqt 11 da avtobusni ta’qib qila boshlagan.

Voyaga yetmagan haydovchi soat 11 yarimda avtobusni gaz quvuri so‘ngra daraxtga borib urganidan keyin qo‘lga olingan. Bola va boshqalarga zarar yetmagan, deyiladi xabarda.