Yaqinda AQShdan Moderna vaksinasi olib kelindi va fuqarolar ushbu vaksina bilan emlandi. Vaksinaning 2-dozasini olish fursati ham yaqinlashdi. Moderna vaksinasi ikkinchi doza oluvchilar uchun yetarlimi? Bu savolga Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Botir Qurbonov javob berdi.
“Vaksinalar bilan ta’minot yetarli darajada qilingan. Vaksinalarning taqsimotida ham birinchi doza vaksina olgan shaxsga ikkinchi doza vaksina qilinishi albatta mana shu shaxsning o‘zi emlanishi ko‘zda tutilgan.
AstraZeneca yoki Moderna vaksinasini 1-dozasini kim olgan bo‘lsa, albatta, 2-dozasini ushbu shaxsga qilinishi uchun Sanitariya-epidemiologik osoyishtalik va jamoat salomatligi xizmati boshqarma bo‘limlaridagi vaksina saqlash omborxonalarida saqlab qo‘yilgan.
Ya’ni kimki 1-dozani olgan bo‘lsa, albatta, ushbu vaksinaning 2-dozasini olishi muqarrar.
Faqatgina “Sputnik V” vaksinasi ta’minotida uzilish bo‘ldi. Bunda ushbu vaksinaning 1-dozasini olganimizdan keyin 2-dozasi bir hafta ichida yetkazilishi kerak edi. Hozirda faqatgina shu vaksina bilan bog‘liq uzilishlar mavjud.
Respublika bo‘yicha 90 ming nafar fuqaro “Sputnik V”ning 1-dozasini olgan, 2-dozasi bugungi kunda kutilmoqda. Tez kunlarda vaksina kelgandan so‘ng ushbu fuqarolar 2-doza bilan emlanadi.
Shu narsani alohida ta’kidlab o‘tish joizki, “Sputnik” vaksinasi ham boshqa vaksina singari oraliq uzilishi 90 kungacha bo‘lishi mumkin”, – deydi Botir Qurbonov.
Izoh (0)