Яқинда АҚШдан Moderna вакцинаси олиб келинди ва фуқаролар ушбу вакцина билан эмланди. Вакцинанинг 2-дозасини олиш фурсати ҳам яқинлашди. Moderna вакцинаси иккинчи доза олувчилар учун етарлими? Бу саволга Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбонов жавоб берди.
«Вакциналар билан таъминот етарли даражада қилинган. Вакциналарнинг тақсимотида ҳам биринчи доза вакцина олган шахсга иккинчи доза вакцина қилиниши албатта мана шу шахснинг ўзи эмланиши кўзда тутилган.
AstraZeneca ёки Moderna вакцинасини 1-дозасини ким олган бўлса, албатта, 2-дозасини ушбу шахсга қилиниши учун Санитария-эпидемиологик осойишталик ва жамоат саломатлиги хизмати бошқарма бўлимларидаги вакцина сақлаш омборхоналарида сақлаб қўйилган.
Яъни кимки 1-дозани олган бўлса, албатта, ушбу вакцинанинг 2-дозасини олиши муқаррар.
Фақатгина «Спутник V» вакцинаси таъминотида узилиш бўлди. Бунда ушбу вакцинанинг 1-дозасини олганимиздан кейин 2-дозаси бир ҳафта ичида етказилиши керак эди. Ҳозирда фақатгина шу вакцина билан боғлиқ узилишлар мавжуд.
Республика бўйича 90 минг нафар фуқаро «Спутник V»нинг 1-дозасини олган, 2-дозаси бугунги кунда кутилмоқда. Тез кунларда вакцина келгандан сўнг ушбу фуқаролар 2-доза билан эмланади.
Шу нарсани алоҳида таъкидлаб ўтиш жоизки, «Спутник» вакцинаси ҳам бошқа вакцина сингари оралиқ узилиши 90 кунгача бўлиши мумкин», – дейди Ботир Қурбонов.
Изоҳ (0)