Tanlov O‘zbekiston aholisi o‘rtasida birja savdosini ommalashtirish uchun “Toshkent” respublika fond birjasida, chakana investorlar o‘rtasida o‘tkazildi.
Tanlov shartlariga ko‘ra, ishtirokchilar 2021-yil 5-maydan 31-iyulgacha bo‘lgan davrda investitsiya qilinadigan qimmatli qog‘ozlarning maxsus ro‘yxatida ko‘rsatilgan aksiyalar yoki obligatsiyalarni sotib olish, sotish bo‘yicha har oy kamida ikkita bitim tuzishlari shart edi.
Tanlovda 650 dan ortiq ishtirokchi qatnashdi. Jami ishtirokchilar 4 030 849 344,79 so‘mlik bitimlarni tuzishdi, tanlov davridagi bitimlarning umumiy soni 6 113 tani tashkil etdi.
Eng ko‘p ishtirokchilar 308 kishini, Toshkent, Farg‘onadan vakillar esa 121 kishini tashkil qildi.
Tuzilgan bitimlar natijasi bo‘yicha, eng yuqori daromadlilikni ko‘rsatgan 3 investor tanlov g‘olibi bo‘ldi:
- 1-o‘rin — Fazilov Ulug‘bek Alisher o‘g‘li, Toshkent shahri. Portfelining ro‘yxatdan o‘tgan daromadliligi 48,9 foizni tashkil etdi;
- 2-o‘rin — Qosimov Xayrullo Abdurahmonovich, Farg‘ona shahri. Portfelining ro‘yxatdan o‘tgan daromadliligi 44,7 foizni tashkil etdi;
- 3-o‘rin — Ibrohimov Temurjon Mahamat o‘g‘li, Toshkent shahri. Portfelining ro‘yxatdan o‘tgan daromadliligi 44,2 foizni tashkil etdi.
Shuningdek, kompaniya 4 ta g‘olibga qo‘shimcha nominatsiyalar bo‘yicha brokerlik hisobini to‘ldirish uchun sertifikatlar taqdim etdi.
- “Eng faol investor”: Yakubekov Otabek Kutbedinovich, Andijon shahri. Investor tomonidan jami 210 ta bitim o‘tkazilgan;
- “Ayol investor”: Xalimova Mavlyuda Baxronkulovna, Samarqand shahri. Portfelining ro‘yxatdan o‘tgan daromadliligi 15,7 foizni tashkil etdi;
- “Eng yosh sarmoyador”: Salomov Nurbek Oybek o‘g‘li, Qarshi shahri. Portfelining ro‘yxatdan o‘tgan daromadliligi 29,4 foizni tashkil etdi;
- “Eng yoshi ulug‘ sarmoyador”: Ataxodjayev Alisher Akbarovich, Samarqand shahri. Portfelining ro‘yxatdan o‘tgan daromadliligi 7,4 foizni tashkil etdi.
“Investorlar jangi” tanlovi O‘zbekiston fuqarolariga birja savdosi sohasida yangi bilim va amaliy ko‘nikmalarni egallash uchun ajoyib imkoniyat yaratdi. Ishtirokchilar yangi qo‘shimcha passiv daromad manbai haqida bilib olishdi. Albatta, ular birinchi bitimlardan pul topish imkoniyati bilan amalda birja savdosi olamiga kirib borishdi”, — deya izoh beradi Freedom Finance Uzbekistan ijrochi direktori Yevgeniy Mojeyko.
“Bunday tanlovlarning asosiy maqsadi — birja savdosi va sarmoyasini ommalashtirish. Aholi qimmatli qog‘ozlar bozorida xususiy sarmoyadorlar uchun mavjud imkoniyatlar haqida bilib oladi, odamlar bo‘sh mablag‘larni foydali tarzda sarmoya kiritishni o‘rganishadi. Mahalliy kompaniyalar ham ustav kapitalini jalb qilish imkoniyatiga ega. Umuman olganda, bozor va iqtisodiyotning rivojlanishi kuzatilmoqda”, — deya qayd etdi “Toshkent” fond birjasi rais o‘rinbosari Abdujabborov Abduazimxo‘ja.
“Bu tanlov menga o‘z bilimimni sinab ko‘rish va savdo strategiyamni tekshirib, qo‘llab ko‘rish uchun ajoyib imkoniyat berdi. Shuni ta’kidlashni istardimki, bizda hech qachon bunday musobaqalar o‘tkazilmagan, shuning uchun ishtirok etish va o‘z kuchimizni sinab ko‘rish ikki barobar qiziqarli bo‘ldi. Bu imkoniyat uchun Freedom Finance Uzbekistan’ga minnatdorchilik bildirmoqchiman”, — deydi birinchi o‘rinni egallagan toshkentlik Fazilov Ulug‘bek Alisher o‘g‘li.
Ma’lumot uchun
Freedom Finance Uzbekistan — Freedom Holding Corp xalqaro guruhining bir qismi.
Freedom Holding Corp — bu moliyaviy faoliyat, chakana brokerlik operatsiyalari, investitsiyalar bo‘yicha konsalting, qimmatli qog‘ozlar savdosi, investitsiya banki va anderrayting xizmatlarini o‘zining Freedom Finance sho‘ba korxonalari orqali amalga oshiruvchi xolding kompaniyasi. Kompaniya Qozog‘iston fond birjasi (KASE), Astana International Exchange (AIX), Moskva birjasi (MOEX), Sankt-Peterburg birjasi (SPB), “Toshkent” respublika fond birjasi (UZSE) va Ukraina birjasining professional ishtirokchisidir. Kompaniyaning bosh ofisi Qozog‘istonning Olmaota shahrida joylashgan, kompaniyaning Qozog‘iston, Rossiya, Qirg‘iziston, Ukraina, O‘zbekiston, Germaniya, AQSh va Kiprda filiallari bor.
Bugungi kunda xoldingning oddiy aksiyalari Nasdaq Capital Market, Qozog‘iston fond birjasi, Sankt-Peterburg va Ukraina birjalarida sotilmoqda. Xoldingning bozor kapitallashuvi 3,8 milliard dollarni tashkil etadi.
Reklama huquqi asosida.
Izoh (0)