Танлов Ўзбекистон аҳолиси ўртасида биржа савдосини оммалаштириш учун «Тошкент» республика фонд биржасида, чакана инвесторлар ўртасида ўтказилди.
Танлов шартларига кўра, иштирокчилар 2021 йил 5 майдан 31 июлгача бўлган даврда инвестиция қилинадиган қимматли қоғозларнинг махсус рўйхатида кўрсатилган акциялар ёки облигацияларни сотиб олиш, сотиш бўйича ҳар ой камида иккита битим тузишлари шарт эди.
Танловда 650 дан ортиқ иштирокчи қатнашди. Жами иштирокчилар 4 030 849 344,79 сўмлик битимларни тузишди, танлов давридаги битимларнинг умумий сони 6 113 тани ташкил этди.
Энг кўп иштирокчилар 308 кишини, Тошкент, Фарғонадан вакиллар эса 121 кишини ташқил қилди.
Тузилган битимлар натижаси бўйича, энг юқори даромадлиликни кўрсатган 3 инвестор танлов ғолиби бўлди:
- 1-ўрин — Фазилов Улуғбек Алишер ўғли, Тошкент шаҳри. Портфелининг рўйхатдан ўтган даромадлилиги 48,9 фоизни ташкил этди;
- 2-ўрин — Қосимов Хайрулло Абдураҳмонович, Фарғона шаҳри. Портфелининг рўйхатдан ўтган даромадлилиги 44,7 фоизни ташкил этди;
- 3-ўрин — Иброҳимов Темуржон Маҳамат ўғли, Тошкент шаҳри. Портфелининг рўйхатдан ўтган даромадлилиги 44,2 фоизни ташкил этди.
Шунингдек, компания 4 та ғолибга қўшимча номинациялар бўйича брокерлик ҳисобини тўлдириш учун сертификатлар тақдим этди.
- «Энг фаол инвестор»: Якубеков Отабек Кутбединович, Андижон шаҳри. Инвестор томонидан жами 210 та битим ўтказилган;
- «Аёл инвестор»: Халимова Мавлюда Бахронкуловна, Самарқанд шаҳри. Портфелининг рўйхатдан ўтган даромадлилиги 15,7 фоизни ташкил этди;
- «Энг ёш сармоядор»: Саломов Нурбек Ойбек ўғли, Қарши шаҳри. Портфелининг рўйхатдан ўтган даромадлилиги 29,4 фоизни ташкил этди;
- «Энг ёши улуғ сармоядор»: Атаходжаев Алишер Акбарович, Самарқанд шаҳри. Портфелининг рўйхатдан ўтган даромадлилиги 7,4 фоизни ташкил этди.
«Инвесторлар жанги» танлови Ўзбекистон фуқароларига биржа савдоси соҳасида янги билим ва амалий кўникмаларни эгаллаш учун ажойиб имконият яратди. Иштирокчилар янги қўшимча пассив даромад манбаи ҳақида билиб олишди. Албатта, улар биринчи битимлардан пул топиш имконияти билан амалда биржа савдоси оламига кириб боришди», — дея изоҳ беради Freedom Finance Uzbekistan ижрочи директори Евгений Можейко.
«Бундай танловларнинг асосий мақсади — биржа савдоси ва сармоясини оммалаштириш. Аҳоли қимматли қоғозлар бозорида хусусий сармоядорлар учун мавжуд имкониятлар ҳақида билиб олади, одамлар бўш маблағларни фойдали тарзда сармоя киритишни ўрганишади. Маҳаллий компаниялар ҳам устав капиталини жалб қилиш имкониятига эга. Умуман олганда, бозор ва иқтисодиётнинг ривожланиши кузатилмоқда», — дея қайд этди «Тошкент» фонд биржаси раис ўринбосари Абдужабборов Абдуазимхўжа.
«Бу танлов менга ўз билимимни синаб кўриш ва савдо стратегиямни текшириб, қўллаб кўриш учун ажойиб имконият берди. Шуни таъкидлашни истардимки, бизда ҳеч қачон бундай мусобақалар ўтказилмаган, шунинг учун иштирок этиш ва ўз кучимизни синаб кўриш икки баробар қизиқарли бўлди. Бу имконият учун Freedom Finance Uzbekistan’га миннатдорчилик билдирмоқчиман», — дейди биринчи ўринни эгаллаган тошкентлик Фазилов Улуғбек Алишер ўғли.
Маълумот учун
Freedom Finance Uzbekistan — Freedom Holding Corp халқаро гуруҳининг бир қисми.
Freedom Holding Corp — бу молиявий фаолият, чакана брокерлик операциялари, инвестициялар бўйича консалтинг, қимматли қоғозлар савдоси, инвестиция банки ва андеррайтинг хизматларини ўзининг Freedom Finance шўъба корхоналари орқали амалга оширувчи холдинг компанияси. Компания Қозоғистон фонд биржаси (KASE), Астана International Exchange (AIX), Москва биржаси (MOEX), Санкт-Петербург биржаси (СПБ), «Тошкент» республика фонд биржаси (UZSE) ва Украина биржасининг профессионал иштирокчисидир. Компаниянинг бош офиси Қозоғистоннинг Олмаота шаҳрида жойлашган, компаниянинг Қозоғистон, Россия, Қирғизистон, Украина, Ўзбекистон, Германия, АҚШ ва Кипрда филиаллари бор.
Бугунги кунда холдингнинг оддий акциялари Nasdaq Capital Market, Қозоғистон фонд биржаси, Санкт-Петербург ва Украина биржаларида сотилмоқда. Холдингнинг бозор капиталлашуви 3,8 миллиард долларни ташкил этади.
Реклама ҳуқуқи асосида.
Изоҳ (0)