Аndijon viloyatining Аndijon tumanida 16 yoshli fuqaro boshqaruvidagi avtomobil ishtirokida YTH sodir bo‘ldi. Oqibatda avtomashina yo‘lovchisi, haydovchining 13 yoshli ukasi og‘ir tan jarohati olib, shifoxonada vafot etdi, deya xabar berdi “Daryo” muxbiri.
Ta’kidlanishicha, tumanning “Oqrovot” mahallasi hududidan o‘tgan 4R-135 Аndijon—Oyim avtomobil yo‘lining 101-kilometrida “Beshbo‘ynoq” mahallasida yashovchi, 2005-yilda tug‘ilgan fuqaro А.O. Matiz avtomobilini boshqarib ketayotganda avtomobil boshqaruvini yo‘qotib, yo‘l chetidagi devorga urilgan va yo‘l qirg‘og‘idagi pastlikka tushib, ag‘darilgan.
Oqibatda haydovchining 2007-yilda tug‘ilgan ukasi А.N. Аndijon tuman shoshilinch tez tibbiy yordam bo‘limiga bosh sohasida yopiq shikasti va orqa chap tos suyagi yopiq sinishi tashxisi bilan yotqizilgan. Biroq ko‘rsatilgan tibbiy muolajalarga qaramasdan shifoxonada vafot etgan.
Voqea joyi o‘rganilganda haydovchi avtomobilni hushyor holda, lekin boshqaruv malakasiga ega bo‘lmasdan, boshqarish huquqini beruvchi hujjatlarsiz boshqargani aniqlangan. Holat yuzasidan tergovga qadar surishtiruv ishlari olib borilmoqda.
YTH sababi va oqibati viloyat IIB Yo‘l harakati xavfsizligi boshqarmasi boshlig‘i Saidolim Zingirov boshchiligida jamoatchilik o‘rtasida muhokama qilingan va tegishli vazifalar belgilab olingan.
Avvalroq Toshkent viloyatida “Jiguli” haydovchisi 2-sinf o‘quvchisini urib yuborib, voqea joyidan ketib qolgani, oqibatda jabrlanuvchi hodisa joyida halok bolgani haqida xabar berilgandi.
Mavzuga doir:
- Surxondaryoda Nexia-3 piyodani urib ketishi oqibatida 5 nafar onasiz bola otasidan ham ayrildi
- Toshkentda piyodalar yo‘lagidan o‘tish vaqtida telefonda gaplashgan blogerga chora ko‘rmagan YPX xodimlariga intizomiy jazo belgilandi
- Toshkentda ichida yo‘lovchilar bo‘lgan “Gazel” Lacetti bilan to‘qnashib, ag‘darilib ketdi
Izoh (0)