Андижон вилоятининг Андижон туманида 16 ёшли фуқаро бошқарувидаги автомобиль иштирокида ЙТҲ содир бўлди. Оқибатда автомашина йўловчиси, ҳайдовчининг 13 ёшли укаси оғир тан жароҳати олиб, шифохонада вафот этди, дея хабар берди «Дарё» мухбири.
Таъкидланишича, туманнинг «Оқровот» маҳалласи ҳудудидан ўтган 4Р-135 Андижон—Ойим автомобиль йўлининг 101-километрида «Бешбўйноқ» маҳалласида яшовчи, 2005 йилда туғилган фуқаро А.О. Matiz автомобилини бошқариб кетаётганда автомобиль бошқарувини йўқотиб, йўл четидаги деворга урилган ва йўл қирғоғидаги пастликка тушиб, ағдарилган.
Оқибатда ҳайдовчининг 2007 йилда туғилган укаси А.Н. Андижон туман шошилинч тез тиббий ёрдам бўлимига бош соҳасида ёпиқ шикасти ва орқа чап тос суяги ёпиқ синиши ташхиси билан ётқизилган. Бироқ кўрсатилган тиббий муолажаларга қарамасдан шифохонада вафот этган.
Воқеа жойи ўрганилганда ҳайдовчи автомобилни ҳушёр ҳолда, лекин бошқарув малакасига эга бўлмасдан, бошқариш ҳуқуқини берувчи ҳужжатларсиз бошқаргани аниқланган. Ҳолат юзасидан терговга қадар суриштирув ишлари олиб борилмоқда.
ЙТҲ сабаби ва оқибати вилоят ИИБ Йўл ҳаракати хавфсизлиги бошқармаси бошлиғи Саидолим Зингиров бошчилигида жамоатчилик ўртасида муҳокама қилинган ва тегишли вазифалар белгилаб олинган.
Аввалроқ Тошкент вилоятида «Жигули» ҳайдовчиси 2-синф ўқувчисини уриб юбориб, воқеа жойидан кетиб қолгани, оқибатда жабрланувчи ҳодиса жойида ҳалок болгани ҳақида хабар берилганди.
Мавзуга доир:
- Сурхондарёда Nexia-3 пиёдани уриб кетиши оқибатида 5 нафар онасиз бола отасидан ҳам айрилди
- Тошкентда пиёдалар йўлагидан ўтиш вақтида телефонда гаплашган блогерга чора кўрмаган ЙПХ ходимларига интизомий жазо белгиланди
- Тошкентда ичида йўловчилар бўлган «Газель» Lacetti билан тўқнашиб, ағдарилиб кетди
Изоҳ (0)