Toshkentda ichida yo‘lovchilar bo‘lgan “Gazel” Lacetti bilan to‘qnashib, ag‘darilib ketdi

Toshkentning Chilonzor tumanida “Gazel” va Lacetti ishtirokida yuz bergan YTHda 8 kishi jabrlandi. Bu haqda YHXBB matbuot xizmati xabar berdi.

Dastlabki ma’lumotlarga ko‘ra, 10-avgust kuni soat 07:10 larda Bunyodkor va Do‘mbirobod ko‘chalari kesishgan chorrahada Sh.G. boshqaruvidagi “Gazel” hamda 1952-yilda tug‘ilgan K.Yu. boshqaruvidagi Lacetti to‘qnashgan.

Natijada “Gazel” ag‘darilib ketgan. Uning haydovchisi va olti nafar yo‘lovchisiga, shuningdek, Lacetti’ning bir nafar yo‘lovchisiga birinchi tez tibbiy yordam ko‘rsatilgan.

Mazkur YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.

Eslatib o‘tamiz, bundan avval Toshkentning Olmazor tumanida yo‘lovchi tashuvchi “Gazel” yonib ketgandi. Haydovchi va 8 nafar yo‘lovchi dvigatelda qisqa tutashuv yuz berganida mashinadan tushib qolgan. Mavzuga doir:

• Jizzaxda haydovchi rulda uxlab qolishi oqibatida yuk avtomobillari ishtirokida YTH sodir bo‘ldi
• Namanganda ikkita “Jiguli” ishtirokida sodir bo‘lgan YTH oqibatida haydovchilardan biri halok bo‘ldi
• Surxondaryoda haydovchi uxlab qolishi oqibatida YTHga uchragan Nexia’da yo‘lovchi halok bo‘ldi