Surxondaryoning Qumqo‘rg‘on tumanida Nexia-3 haydovchisi piyodani urib yuborib, uning o‘limiga sababchi bo‘ldi. Bu haqda viloyat IIB YHXB matbuot xizmati xabar berdi.
Ma’lum qilinishicha, voqea 10-avgust kuni soat 00:15 larda M-41 xalqaro avtomobil yo‘lining “Ajdarsoy” mahallasi hududidan o‘tuvchi yo‘lning 1539-kilometrida yuz bergan. Mast holda Nexia-3 ni boshqarib ketayotgan haydovchi boshqaruvni yo‘qotib, yo‘lning qarama-qarshi yo‘nalishida ketayotgan erkakni urib yuborgan.
YTH oqibatida piyoda vafot etgan. Natijada 5 nafar onasiz bola otasidan ham ayrilgan.
Avvalroq Surxondaryoning Sherobod tumanida haydovchi uxlab qolishi oqibatida YTHga uchragan Nexia’da yo‘lovchi halok bo‘lgani, Sariosiyo tumani katta tezlikda harakatlangan Tico 4 yoshli qizchani urib yuborib, uning o‘limiga sababchi bo‘lgani haqida xabar berilgan edi. Mavzuga doir:
