Bugun,

  • USD 11095.31
  • RUB 173.84
  • EUR 10772.44

Toshkent viloyati O‘rta Chirchiq tumanida piyodani urib yuborib, voqea joyidan ketib qolgan haydovchi ushlandi, deb xabar beradi IIV YHXBB axborot xizmati.

Kadr: Telegram

Kadr: Telegram

Ma’lum qilinishicha, 20-iyul kuni 22:00 larda Toshkent—Nurafshon—Ohangaron avtomobil yo‘lining 40-kilometrida “VAZ-2103” avtomobili yo‘lni kesib o‘tayotgan 2-sinf o‘quvchisini urib yuborib, voqea joyidan qochib ketgan.

Jabrlanuvchi olgan tan jarohatlari oqibatida voqea joyida vafot etgan.

Olib borilgan tezkor harakatlar davomida YTHni sodir etishda gumon qilingan haydovchi qo‘lga olingan.

“Yo‘lning o‘rtasida yoshi kattaroq ayol, 3-5 metr uzoqlikda esa bir ayol turgandi. Ayolni aylanib o‘tayotganida bolakay yo‘limga chiqib qoldi. Mashinani chekkaga oldim, biroq ulgurmadim. Bola mashinamning qanot qismiga tegdi, orqamdan kelayotgan mashina esa ustidan o‘tib ketdi. Qo‘rqqanimdan ketib qoldim”, — deydi haydovchi.

Haydovchining so‘zlariga ko‘ra, u mashina ichida bo‘lgan yo‘lovchilarni tashlab, YTH sodir bo‘lgan joyga qaytib kelgan. Biroq hech kim yo‘qligini ko‘rib, “hech narsa bo‘lmagan” deb o‘ylagan va uyiga qaytgan.

Avvalroq Samarqandda avtobus ag‘darilishi oqibatida 2 yo‘lovchi vafot etdi, 5 nafari shifoxonaga yotqizilgani, Samarqandda Lacetti katta tezlikdan yo‘l yoqasidagi uyga urilishi oqibatida haydovchi va yo‘lovchi vafot etgani hamda Andijonda Damas va ikkita Nexia ishtirokida sodir bo‘lgan YTH oqibatida 26 yoshli yo‘lovchi halok bo‘lgani haqida xabar berilgandi.

Izoh
Asosiy yangiliklar
Mahalliy
Farg‘onada ayol o‘zini IIB binosi oldida yoqib yubormoqchi bo‘ldi
Dunyo
Amerikaliklar “Qora juma”da onlayn xaridlarga rekord darajada ko‘p pul sarfladi
Mahalliy
Toshkentda madaniyat uyi yongani rad etildi. U yerda xodimlar shashlik pishirish uchun ko‘mir yoqqan (video)