“Madaniyat va ma’rifat” telekanali jurnalisti Ilhom Avazov 37 yoshida vafot etdi, deya xabar bermoqda telekanal axborot xizmati.
Telekanal muharriri Yulduz Fayziyeva Facebook’dagi postida Ilhom Avazov koronavirus oqibatida vafot etganini ma’lum qildi.
“Agar sog‘ayganlarida, oramizda bo‘lganlarida 15-avgust 38 yoshga to‘lgan, uchinchi farzandlarining dunyoga kelishini ko‘rgan bo‘lar edilar. Kanalimiz jamoasi uchun juda katta yo‘qotish. Koronavirus yana bir yosh umrni hayotdan olib ketdi”, – deb yozadi Yulduz Fayziyeva.
Bundan avval jurnalist va yozuvchi Sotvoldi Rajabov, taniqli jurnalist Baxtiyor Mansurov, “O‘zbekiston ovozi” gazetasi bosh muharriri, deputat Safar Ostonov hamda Madaniyat vazirligi xodimi, professor Azamat Haydarov vafot etgani haqida xabar berilgandi.
Izoh (0)