Toshkent viloyatidagi Keles yo‘li ko‘chasining bir qismi ayni paytda olib borilayotgan qurilish-ta’mirlash ishlari munosabati bilan transport harakati uchun yopildi.
YHXBB matbuot xizmatining xabar berishicha, Keles yo‘li ko‘chasining Toshkent tumaniga kirish qismidan “Hasanboy ota” jome masjidigacha bo‘lgan qismi ta’mirlash ishlari yakunlangunga qadar transport vositalari harakati uchun yopiladi.
Shu sababli haydovchilarga boshqa aylanma yo‘llar orqali harakatlanish tavsiya etilgan.
Jumladan, haydovchilar vaqtinchalik tumanning Hasanboy qishlog‘i hududidan o‘tgan 4N-699 Keles shahri—Hasanboy qo‘rg‘oni hamda sobiq M.Fozilov jamoa xo‘jaligi hududidan o‘tgan 4R-4 Toshkent shahri— Keles shahri—Qozoqkentsoy qo‘rg‘oni avtomobil yo‘lining 3–14-kilometrlari orqali harakatlanib o‘tishlari mumkin.
Shuningdek, qo‘shimcha qilinishicha, mazkur qurilish ishlarining birinchi bosqichi yakunlangandan so‘ng Keles shaharchasidagi temiryo‘l izi ustidan o‘tgan yo‘l o‘tkazgichni (ko‘prik) ta’mirlash ishlari olib boriladi.
Shu sababli 4R4a 4R4 avtoyo‘lidan Sariyog‘och shahriga shahobcha avtomobil yo‘lining 0–1-kilometrlari (ko‘prik) oraliqlari yopilishi rejalashtirilgan.
Eslatib o‘tamiz, 2021-yil 14-iyulda ham Keles yo‘li ko‘chasining Toshkent tumaniga kirish qismidan “Hasanboy ota” jome masjidigacha bo‘lgan qismida ta’mirlash ishlari o‘tkazilgan va yo‘l transport harakati uchun yopilgandi.
Izoh (0)