Jons Hopkins universiteti ma’lumotlariga ko‘ra, dunyoda koronavirusga chalinganlar soni 200 988 471 kishini tashkil qilmoqda. 4 268 853 kishi vafot etgan.
Kasallanganlar soni bo‘yicha AQSh (35,4 million), Hindiston (31,8 million), Braziliya (20 million), Rossiya (6,3 million) va Fransiya (6,2 million) eng oldinda bormoqda.
Jahon sog‘liqni saqlash tashkiloti (JSST) rahbari Tedros Gebreyesus COVID-19 bilan bog‘liq vaziyat tufayli insoniyat “real xavf davri”ga qadam qo‘yganini ma’lum qildi.
“Dunyo hozir real xavf davrida turibdi. Biz erishgan yutuqlarning ko‘pchiligiga hozir putur yetmoqda”, — dedi u.
JSST rahbari ta’kidlashicha, virusning tarqalishi o‘sib borayotgan ijtimoiy aloqalari, sog‘liqni saqlash va jamoatchilik sohasidagi izchil bo‘lmagan choralar, shuningdek, “nohaq vaksinatsiya” bilan yanada kuchaymoqda. Uning eslatishicha, koronavirusga qarshi vaksinalarning 80 foizdan ortig‘i daromad darajasi yuqori va o‘rtacha bo‘lgan mamlakatlarga yetkazib berilgan.
Shuningdek, Gebreyesus taxmin qilishicha, pandemiya bilan kurash sohasida avvalroq erishilgan yutuqlar yo‘qotilmoqda: sog‘liqni saqlash tizimlariga yuklama haddan tashqari ortgan, kasallanganlar sonining o‘sishi esa odamlarni qutqarish uchun zarur davolash vositalari tanqisligini keltirib chiqarmoqda.
Mavzuga doir: JSST qayta emlashga moratoriy talab qildi. Ortiqcha vaksinalarni rivojlanayotgan mamlakatlarga yuborish so‘ralmoqda
Shuningdek, bu Pfizer va BioNTech o‘tgan hafta e’lon qilgan ma’lumotlardan farqlidir: ularning koronavirusga qarshi vaksinasi samaradorligi har ikki oyda taxminan 6 foizga pasayib, birinchi inyeksiyadan keyin olti oy o‘tib, 84 foizga tushib qolgan edi.
Moderna va Pfizer/BioNTech vaksinalarining har ikkalasi ham bir xil — mRNK texnologiyasiga asoslangan.
“Bizning vaksinamiz olti oy davomida 93 foizlik qat’iy samaradorlikni namoyon qiladi, ammo biz delta shtammi yangi jiddiy xavf tug‘dirishini tushunamiz, shuning uchun ogoh bo‘lishimiz kerak”, — dedi Moderna bosh direktori Stefan Bansel.
Uning qo‘shimcha qilishicha, qish mavsumidan oldin yana bitta doza kerak bo‘ladi, chunki antitanalar miqdori kamayishi ehtimoli bor.
Xitoy kompaniyalari pandemiyaning birinchi yilida tibbiy niqoblar va boshqa shaxsiy himoya vositalari eksportidan qariyb 90 milliard dollar ishlab topdi.2019-yilda shaxsiy himoya vositalari sotuvidan tushgan daromad 22,9 milliard dollarni tashkil etgan bo‘lsa, 2020-yilda u 88,1 milliard dollarga teng bo‘ldi.
Umumiy qiymatning 53,8 milliard dollari niqob va respiratorlarga, 16,8 milliardi yuz uchun qalqonlarga, 10,8 milliardi himoya kiyimlariga, 3,9 milliardi esa qo‘lqoplarga to‘g‘ri keladi.
2020-yil aprelida bitta tibbiy niqobning eksport narxi 2019-yil dekabriga nisbatan 720,8 foizga oshgandi.
Shaxsiy himoya vositalarini Xitoy asosan AQSh va Yevroittifoqqa yetkazib bergan.
Mavzuga doir: Koronavirusga qarshi vaksinatsiya boshlangach, dunyoda 9 nafar yangi milliarder paydo bo‘ldi
Qurilma Xitoyning Xubey provinsiyasida Yuqumli kasalliklarni nazorat qilish va oldini olish markazida muvaffaqiyatli sinovdan o‘tkazildi va dezinfeksiyalash jarayonlari uchun tavsiya qilindi.
Sinovlar chog‘ida uskuna 10 daqiqa davomida koronavirusni 99,99 foiz darajasida faolsizlantirgan.
Simobli lampa yordamida an’anaviy dezinfeksiyaga taqqoslaganda yangi qurilmaning sterilizatsiya darajasi yuqoriroq, energiya iste’moli kamroq va xizmat qilish muddati ko‘proq (10 mingdan 50 ming soatgacha).
Bundan tashqari, qurilma tillarang stafilokokk, kandida albikans va koliforma kabi xavfli bakteriyalarni ham samarali tarzda yo‘q qila oladi.
Izoh (0)