Инсоният реал хавф даврига қадам қўйди, Moderna вакцинаси ярим йилдан кейин ҳам ўз самарадорлигини йўқотмади. Коронахабарлар

Жонс Ҳопкинс университети маълумотларига кўра, дунёда коронавирусга чалинганлар сони 200 988 471 кишини ташкил қилмоқда. 4 268 853 киши вафот этган.

Касалланганлар сони бўйича АҚШ (35,4 миллион), Ҳиндистон (31,8 миллион), Бразилия (20 миллион), Россия (6,3 миллион) ва Франция (6,2 миллион) энг олдинда бормоқда.

Жаҳон соғлиқни сақлаш ташкилоти (ЖССТ) раҳбари Тедрос Гебрейесус COVID-19 билан боғлиқ вазият туфайли инсоният «реал хавф даври»га қадам қўйганини маълум қилди.

«Дунё ҳозир реал хавф даврида турибди. Биз эришган ютуқларнинг кўпчилигига ҳозир путур етмоқда», — деди у.

ЖССТ раҳбари таъкидлашича, вируснинг тарқалиши ўсиб бораётган ижтимоий алоқалари, соғлиқни сақлаш ва жамоатчилик соҳасидаги изчил бўлмаган чоралар, шунингдек, «ноҳақ вакцинация» билан янада кучаймоқда. Унинг эслатишича, коронавирусга қарши вакциналарнинг 80 фоиздан ортиғи даромад даражаси юқори ва ўртача бўлган мамлакатларга етказиб берилган.

Шунингдек, Гебрейесус тахмин қилишича, пандемия билан кураш соҳасида аввалроқ эришилган ютуқлар йўқотилмоқда: соғлиқни сақлаш тизимларига юклама ҳаддан ташқари ортган, касалланганлар сонининг ўсиши эса одамларни қутқариш учун зарур даволаш воситалари танқислигини келтириб чиқармоқда.

Шунингдек, бу Pfizer ва BioNTech ўтган ҳафта эълон қилган маълумотлардан фарқлидир: уларнинг коронавирусга қарши вакцинаси самарадорлиги ҳар икки ойда тахминан 6 фоизга пасайиб, биринчи инъекциядан кейин олти ой ўтиб, 84 фоизга тушиб қолган эди.

Moderna ва Pfizer/BioNTech вакциналарининг ҳар иккаласи ҳам бир хил — мРНК технологиясига асосланган.

«Бизнинг вакцинамиз олти ой давомида 93 фоизлик қатъий самарадорликни намоён қилади, аммо биз дельта штамми янги жиддий хавф туғдиришини тушунамиз, шунинг учун огоҳ бўлишимиз керак», — деди Moderna бош директори Стефан Бансел.

Унинг қўшимча қилишича, қиш мавсумидан олдин яна битта доза керак бўлади, чунки антитаналар миқдори камайиши эҳтимоли бор.

2019 йилда шахсий ҳимоя воситалари сотувидан тушган даромад 22,9 миллиард долларни ташкил этган бўлса, 2020 йилда у 88,1 миллиард долларга тенг бўлди.

Умумий қийматнинг 53,8 миллиард доллари ниқоб ва респираторларга, 16,8 миллиарди юз учун қалқонларга, 10,8 миллиарди ҳимоя кийимларига, 3,9 миллиарди эса қўлқопларга тўғри келади.

2020 йил апрелида битта тиббий ниқобнинг экспорт нархи 2019 йил декабрига нисбатан 720,8 фоизга ошганди.

Шахсий ҳимоя воситаларини Хитой асосан АҚШ ва Евроиттифоққа етказиб берган.

Қурилма Хитойнинг Хубэй провинциясида Юқумли касалликларни назорат қилиш ва олдини олиш марказида муваффақиятли синовдан ўтказилди ва дезинфекциялаш жараёнлари учун тавсия қилинди.

Синовлар чоғида ускуна 10 дақиқа давомида коронавирусни 99,99 фоиз даражасида фаолсизлантирган.

Симобли лампа ёрдамида анъанавий дезинфекцияга таққослаганда янги қурилманинг стерилизация даражаси юқорироқ, энергия истеъмоли камроқ ва хизмат қилиш муддати кўпроқ (10 мингдан 50 минг соатгача).

Бундан ташқари, қурилма тилларанг стафилококк, кандида албиканс ва колиформа каби хавфли бактерияларни ҳам самарали тарзда йўқ қила олади.