Jons Hopkins universiteti ma’lumotlariga ko‘ra, dunyoda koronavirus bilan kasallanganlar soni 198 933 145 kishini tashkil qilmoqda, shularning 4 236 469 nafari virus oqibatida vafot etgan. Kasallanish holatlarining ko‘pligi bo‘yicha AQSh (35,1 million), Hindiston (31,7 million), Braziliya (19,9 million), Rossiya (6,2 million) va Fransiya (6,2 million) oldinda bormoqda.
Yaponiya Sog‘liqni saqlash vazirligi karantin qoidalariga rioya qilmagan odamlarni omma oldida uyaltirishni boshladi: birinchi marta chet eldan qaytib kelganidan keyin karantin rejimini buzgan uch fuqaroning ism-shariflari ommaga oshkor qilindi.
Yaponiyada amaldagi qoidalarga ko‘ra, xorijdan kelgandan keyin chet elliklar va mamlakat fuqarolari ikki haftalik karantindan o‘tishi, bu vaqt mobaynida esa ularning joylashgan joyini kuzatib borish imkonini beradigan dasturdan foydalanishi kerak.
Olimpiya o‘yinlari bo‘lib o‘tayotgan Tokioda iyul o‘rtalaridan buyon koronavirusga chalinish holatlari bo‘yicha rekordlar qayd etilmoqda. Epidemik vaziyat yomonlashuvi munosabati bilan Tokioda favqulodda vaziyat rejimi 31-avgustgacha uzaytirildi.
Yoshlarda va keksalarda COVID-19 bilan kasallangandan keyingi dastlabki kunlarda turlicha simptomlar kuzatiladi. London Qirollik kolleji olimlari shunday xulosaga keldi.Mutaxassislar test musbat natija berganidan keyingi ilk uch kun ichida kasallanganlarda paydo bo‘ladigan belgilarni kuzatdi. Ular haqidagi ma’lumotlarni tadqiqot ishtirokchilari 2020-yil aprelidan oktabrigacha maxsus mobil dastur yordamida qayd qilib borgan.
Ma’lum bo‘lishicha, turli yosh guruhlarida o‘ziga xos simptomlar kuzatiladi. Xususan, 16-39 yoshdagilarda, asosan, hid sezmay qolish, ko‘krak yoki qorin sohasidagi og‘riq va nafas qisishi belgilari qayd etilgan.
40-59 yosh guruhidagi bemorlar uchun doimiy yo‘tal xos bo‘lgan, ammo ko‘krak sohasidagi og‘riq va hid bilishning yo‘qolishi ham uchragan.
60 yoshdan va, ayniqsa, 80 yoshdan oshganlar uchun hid sezmay qolish — ancha kam uchraydigan simptom. Keksa bemorlarni ko‘proq mushaklar va ko‘krakdagi og‘riq, nafas qisishi va diareya bezovta qilgan.
Shuningdek, olimlar ayollar va erkaklarda ham simptomlar turlicha bo‘lishini aniqladi. Ikkala jins vakillari ham hid bilmay qolish va ko‘krak yoki qorindagi og‘riqdan shikoyat qilgan. Ammo erkaklarda nafas qisishi, holsizlik va badan uvushishi ko‘proq uchraydi.
Birlashgan Arab Amirliklari (BAA) uch yoshdan oshgan bolalar uchun Xitoyning Sinopharm vaksinasini qo‘llashga ruxsat berdi.Tegishli qaror Abu-Dabida 900 nafar ko‘ngilli ishtirokida o‘tkazilgan sinovlardan keyin Sog‘liqni saqlash vazirligi tomonidan qabul qilindi.
Hukumat ma’lumotlariga ko‘ra, avgust boshidagi holat bo‘yicha BAA aholisining 78 foizdan ziyodi — taxminan 9 million kishi — vaksinaning bitta dozasini olgan, 70 foizi esa to‘liq emlangan.
Mavzuga doir: Xitoyda Sinopharm vaksinasini bolalarda qo‘llashga ruxsat berildi. Britaniya esa bolalarni ommaviy emlashdan voz kechdi
Tadbir maqsadi mamlakatlarning koronavirusga qarshi vaksinalarni va “jamoatchilik sog‘lig‘ini saqlash sohasidagi resurslarni” tarqatish bo‘yicha harakatlarini faollashtirishdan iborat bo‘lishi mumkin. Oq uy sammit tafsilotlarini nohukumat tashkilotlar bilan muhokama qilayotgani aytilmoqda.
Izoh (0)