Turkmaniston prezidenti Gurbanguli Berdimuhamedov 1-avgust kuni Bolqon viloyatiga tashrifi chog‘ida harbiy samolyotni sinovdan o‘tkazdi. Bu haqda Turkmaniston davlat axborot agentligiga tayanib, “Xronika Turkmenistana” xabar berdi.
Xabarga ko‘ra, Berdimuhamedov harbiy aerodromga velosipedda kelgan.
Bosh vazir o‘rinbosari, чavfsizlik kengashi kotibi Charimurat Amanov va mudofaa vaziri Begench Gundogdiyev Berdimuhammedovga yangi harbiy samolyotlarni: Turkmanistonga may oyida keltirilgan Braziliyaning Embraer A-29B Super Tucano turbo-parrakli hujumchi samolyotini, iyun oyida yetkazib berilgan C-27J NG Spartan harbiy transporti va Aermacchi M-346 o‘quv reaktiv hujum samolyotlarini ko‘rsatgan. So‘nggi ikki samolyot Italiyaning Alenia kompaniyasi tomonidan ishlab chiqilgan.
Xabarga ilova qilingan video kadrlariga ko‘ra, Turkmaniston kamida ikkita C-27J NG Spartan samolyoti va ikkita Aermacchi M-346 samolyotini sotib olgan. Kadrlarda faqat bitta A-29B Super Tucano’ni ko‘rish mumkin, lekin ilgari Turkmaniston harbiy-havo kuchlari rangiga ega bo‘lgan bu kabi samolyotlarning bir nechtasini ko‘rishgan.
Berdimuhamedov Aermacchi’ni shaxsan sinab ko‘rishga qaror qildi.
Parvozdan so‘ng mudofaa vaziri Begench Gundogdiyev prezidentdan parvozda kiygan formasini poytaxtda qurilayotgan Berdimuhamed Annayev nomli harbiy maktab muzeyiga topshirishni so‘radi. Prezident bu taklifni ma’qulladi.
Gurbanguli Berdimuhamedov o‘sha kuni Ashxobodga qaytgan.
Mavzuga doir:
Izoh (0)