Ijtimoiy tarmoqda “4 nafar GAI xodimlari meni urdi” sarlavhasi ostida video tarqaldi. Ushbu video yuzasidan YHXBB ma’lumot berdi.
Ma’lum qilinishicha, 2021-yil 14-iyul kuni soat 16:00 larda Toshkent shahar IIBB YHXB YPX inspektorlari I.Toshmatov va S.Begmatovlar “A.Turbanov” YPX maskanida xizmat olib borayotgan vaqtda Isuzu rusumli yuk avtomashinasi haydovchisi xodimlarning to‘xtash ishorasiga bo‘ysunmay harakatda davom etgan.
Ko‘rilgan tezkor chora-tadbirlar natijasida transport vositasi to‘xtatilgan va tekshirish davomida haydovchining hujjatlari to‘liq emasligi aniqlangan.
Haydovchiga Ma’muriy javobgarlik to‘g‘risidagi kodeksning 135, 194-moddalariga asosan ma’muriy bayonnoma rasmiylashtirilib, avtomashina jarima maydoniga joylashtirilgan.
Mazkur holat yuzasidan Toshkent shahar IIBB YHXB tomonidan xizmat tekshiruvi o‘tkazilmoqda.
Bundan avval Surxondaryoda mast ota 12 yoshli o‘g‘lining Damas haydashiga ruxsat bergani, Surxondaryoda to‘xtash ishorasiga amal qilmay, YPX xodimini urib ketgan haydovchi qamoqqa olingani hamda Jizzaxda YPX xodimini urib, uning “pogon”ini yechib olgan haydovchi hibsga olingani haqida xabar berilgandi.
Izoh (0)