O‘zbekistonda 2021/2022-o‘quv yili uchun oliy ta’lim muassasalariga kirish imtihonlari ochiq maydonda o‘tkaziladi. Bu haqda “Xushnudbek.uz” Telegram kanalida ma’lum qilindi.
Ma’lum qilinishicha, bosh vazir Abdulla Aripov rahbarligida Respublika maxsus komissiyasining kengaytirilgan yig‘ilishi bo‘lib o‘tgan.
Unda koronavirus tarqalishining oldini olish, aholining muayyan qatlamini ommaviy vaksinatsiyalash ishlarini tashkil qilish kabi masalalar muhokama qilindi.
Jumladan, yig‘ilishda 2021-yilgi test sinovlarini avgust oyida ochiq maydonlarda (stadionlar, xiyobonlar) o‘tkazish haqida qaror qabul qilindi.
Bundan avval O‘zbekiston OTMlariga qabul kvotalari tasdiqlangani, Namanganda yil mobaynida test sinovlari o‘tkaziladigan majmua qurilishi hamda O‘zbekistonda akademik litseylarning imtihonlari sentabr oyiga qoldirilgani haqida xabar berilgandi.
Izoh (0)