AQShda falaj bo‘lib qolgan poygachi ham boshqara oladigan maxsus poyga avtomobili yaratildi. Mashina ko‘zoynak va shlem yordamida boshqariladi, deb xabar beradi “Korrespondent.net”.
Amerikalik avtopoygachi Sen Shmidt 20 yil oldin mudhish avariyaga uchrab, falaj bo‘lib qolgan. Umurtqasiga yetgan jiddiy shikast sabab u bellashuvlardan voz kechishga majbur bo‘lgan. Ammo butun umr katta sportga qaytish ilinjida yashab kelgan.
Endilikda uning uchun boshqaruv vaqtida jismoniy harakat talab etilmaydigan maxsus mashina yaratildi. U avtomobilni nafasi va boshini qimirlatish orqali boshqara oladi.
Inson organizmining bu turdagi o‘zgarishlarini infraqizil kameralar kuzatib, signalni yuqori texnologik shlem va maxsus ko‘zoynakka uzatadi. Shu orqali avtomobil tezlashadi va kerakli yo‘nalish bo‘ylab harakatlana oladi.
Avvalroq аmerikalik talabalar qayta ishlanadigan materiallardan sportkar yaratgani to‘g‘risida xabar berilgandi.
Izoh (0)