АҚШда фалаж бўлиб қолган пойгачи ҳам бошқара оладиган махсус пойга автомобили яратилди. Машина кўзойнак ва шлем ёрдамида бошқарилади, деб хабар беради «Korrespondent.net».
Америкалик автопойгачи Сен Шмидт 20 йил олдин мудҳиш аварияга учраб, фалаж бўлиб қолган. Умуртқасига етган жиддий шикаст сабаб у беллашувлардан воз кечишга мажбур бўлган. Аммо бутун умр катта спортга қайтиш илинжида яшаб келган.
Эндиликда унинг учун бошқарув вақтида жисмоний ҳаракат талаб этилмайдиган махсус машина яратилди. У автомобилни нафаси ва бошини қимирлатиш орқали бошқара олади.
Инсон организмининг бу турдаги ўзгаришларини инфрақизил камералар кузатиб, сигнални юқори технологик шлем ва махсус кўзойнакка узатади. Шу орқали автомобиль тезлашади ва керакли йўналиш бўйлаб ҳаракатлана олади.
Аввалроқ америкалик талабалар қайта ишланадиган материаллардан спорткар яратгани тўғрисида хабар берилганди.
Изоҳ (0)