Microsoft kompaniyasi Windows 11 operatsion tizimini rasman taqdim etdi. So‘nggi o‘n yillikdagi ulkan yangilanish taqdimoti 23-iyun kungi maxsus onlayn marosimda bo‘lib o‘tgan, deb xabar beradi “Korrespondent.net”.
Operatsion tizimning ko‘zga tashlanadigan muhim o‘zgarishlaridan biri — “Pusk” menyusining pastki barning markaziy qismiga ko‘chirilganida. Shuningdek, “jonli” plitkalar ham yo‘qolgan va vazifalar paneli o‘zgacha chizilgan.
Avtomatik ravishda o‘rnatiladigan ko‘plab dasturlar, jumladan, OneDrive va Edge brauzeri ham o‘zgargan.
Foydalanuvchilarda ishga tushirilgan dasturlar oynasini aniq ekran uchun maxsus moslashtirilgan mozayka ko‘rinishida joylashtirish imkoniyati paydo bo‘ldi. Windows 11 da tach-displey bilan ishlashga alohida e’tibor qaratilgan: sensorli klaviaturaning ishlash mantig‘i o‘zgargan, dasturlar va sozlamalar belgisi kattalashgan.
Eng katta kiritilgan yangiliklardan biri — Android dasturlarini qo‘llab-quvvatlashi va ularni to‘g‘ridan to‘g‘ri ishga tushira olishi. Ta’kidlanishicha, foydalanuvchilar yaqin oylardan boshlab Windows 11 yangilanishini qo‘lga kiritishni boshlaydi.
Eslatib o‘tamiz, Microsoft Windows 10 operatsion tizimini 2014-yilda taqdim etgandi.
Izoh (0)