LG kompaniyasi oddiy ingichka panelli g‘oyalardan voz kechish yo‘lida turli shakl va konstruksiyaga ega televizorlar bilan tajribalar o‘tkazishni davom etmoqda, deb xabar beradi Hi-Tech.Mail.ru.
Televizor ixcham ko‘rinishdagi yonlari yumaloqlashgan uzun yarim kolonkani yodga soladi. U kichkina oyoqchalarga tayangan holda turadi.
Asosiy ekran yon tomonlaridan ikki qismga buriladi, uni eni bo‘ylab o‘rash mumkin. Afsuski, ekran o‘lchamiga oid ma’lumotlar hozircha yo‘q. E’lon qilingan suratlarga ko‘ra, gap tomonlar nisbati 16:9 haqida ketmoqda.
Yangi televizor dizayni 2020-yilning oktabrida Global Displey Exosystem Conference anjumanida taqdim etilgan TCL CsOT Rollable OLED-televizoriga juda o‘xshash. Ma’lumotlarga ko‘ra, Samsung ham shu kabi dizaynga ega qurilmani yaratish ustida ish olib bormoqda.
LG yaqin orada buraladigan ekranli televizorini taqdim etish-etmasligi noma’lum, biroq bu ehtimoldan yiroq emas. Ta’kidlash kerakki, bu kabi texnologiya juda qimmat turadi.
Eslatib o‘tamiz, 2021-yilning martida katta kvartiralar va dala hovlilar uchun premium televizorlarni ishlab chiqarish bilan shug‘ullanuvchi C SEED kompaniyasi dunyoda birinchi bo‘lib xuddi “garmoshka” kabi yig‘iladigan M1 televizorini taqdim etgandi.
Izoh (0)