Video: Xitoyda bir sutka ichida qurilgan 10 qavatli bino

Xitoydagi qurilish kompaniyalaridan biri 28 soat 45 daqiqa ichida 10 qavatli binoni qurishga muvaffaq bo‘ldi, deb xabar beradi “Korrespondent.net”.

Ma’lum qilinishicha, ko‘p qavatli turar joy binosi Living Building yig‘ma konstruksiyalar tizimidan foydalanilgan holda qurilgan.

Ushbu tizimning o‘ziga xos jihati — har bir qurilish moduli yig‘ilgan holatda transport konteyneri o‘lchamiga teng. Bu uni dunyoning istalgan nuqtasiga osonlikcha tashish imkonini beradi.

Modul simli zanglamaydigan po‘lat konstruksiyadan tashkil topgan, shuningdek, u izolyatsiyalangan, shisha qoplamaga va ventilyatsiya tizimiga ega. Kompaniya binoni yig‘ish uchun u qadar katta bo‘lmagan qurilish brigadasi va uchta krandan foydalangan.

Avvalroq Xitoyning Chunsin shahridagi Raffles City Chongqing osmono‘par binolar majmuasida Crystal nomli “gorizontal osmono‘par” bino foydalanishga topshirilgani haqida xabar berilgandi.