Avstraliya va yevropalik tadqiqotchilar qorong‘uda ham bemalol ko‘ra olishni ta’minlaydigan inqilobiy texnologiyani yaratdi, deb xabar beradi “Korrespondent.net”.
Gap oddiy ko‘zoynaklarning oynasiga yopishtirish mumkin bo‘lgan ultrayupqa plyonka haqida ketmoqda. Material nanometrli o‘lchamga ega kristallar asosida yaratilgan. U inson ko‘zi ilg‘ay olmaydigan infraqizil nurni ko‘rsa bo‘ladigan tasvirga aylantiradi.
“Ko‘rib bo‘lmas narsani ko‘rinadigan qildik. Inson soch tolasidan yuzlab marotaba kichik bo‘lgan nanokristalli plyonkani bevosita ko‘zoynakka qoplash va shu orqali tunda ko‘rish imkoniyatini taqdim etadigan filtrni qo‘lga kirish mumkin”, — deyiladi relizda.
Ixtirochilarning ta’kidlashicha, texnologiya nafaqat foydalanishda samarali, balki arzon ham, chunki uni ommaviy ishlab chiqarish oson.
Plyonka xona haroratida tayyorlanadi. Shu sababli ixtirochilar tadqiqotini davom ettirib, tez orada plyonkani ochiq bozorga chiqarishni rejalashtirmoqda.
Avvalroq avstraliyalik olimlar butunlay ko‘zi ojiz insonlarning ko‘rish qobiliyatini qayta tiklash tizimini yaratgani to‘g‘risida xabar berilgandi.
Izoh (0)