Microsoft компанияси Windows 11 операцион тизимини расман тақдим этди. Сўнгги ўн йилликдаги улкан янгиланиш тақдимоти 23 июнь кунги махсус онлайн маросимда бўлиб ўтган, деб хабар беради «Korrespondent.net».
Операцион тизимнинг кўзга ташланадиган муҳим ўзгаришларидан бири — «Пуск» менюсининг пастки барнинг марказий қисмига кўчирилганида. Шунингдек, «жонли» плиткалар ҳам йўқолган ва вазифалар панели ўзгача чизилган.
Автоматик равишда ўрнатиладиган кўплаб дастурлар, жумладан, OneDrive ва Edge браузери ҳам ўзгарган.
Фойдаланувчиларда ишга туширилган дастурлар ойнасини аниқ экран учун махсус мослаштирилган мозайка кўринишида жойлаштириш имконияти пайдо бўлди. Windows 11 да тач-дисплей билан ишлашга алоҳида эътибор қаратилган: сенсорли клавиатуранинг ишлаш мантиғи ўзгарган, дастурлар ва созламалар белгиси катталашган.
Энг катта киритилган янгиликлардан бири — Android дастурларини қўллаб-қувватлаши ва уларни тўғридан-тўғри ишга тушира олиши. Таъкидланишича, фойдаланувчилар яқин ойлардан бошлаб Windows 11 янгиланишини қўлга киритишни бошлайди.
Эслатиб ўтамиз, Microsoft Windows 10 операцион тизимини 2014 йилда тақдим этганди.
Изоҳ (0)