Canon kompaniyasi o‘zining Canon Information Technology sho‘ba kompaniyasining Xitoydagi ofislariga faqatgina kulib turgan xodimlarni kirgizadigan sun’iy intellektga ega kameralarni o‘rnatdi, deb xabar beradi Esquire.
The Financial Times’ning yozishicha, Canon “tabassumni tanuvchi” kameralar joriy etilishini 2020-yilda ma’lum qilgan, biroq u vaqtda yangilik ko‘pchilikning e’tiborini tortmagan. Kompaniya rahbariyatining ma’lum qilishicha, ushbu texnologiya xodimlarning xotirjamroq va samaraliroq bo‘lishiga, shuningdek, ish atmosferasini yanada yaxshilashga yordam beradi.
Canon Information Technology ofislarida tabassum yordamida, xususan, uchrashuv va yig‘ilishlarni o‘tkazish uchun konferens-zallar bronlanmoqda. Kompaniyadagilarning ta’kidlashicha, mazkur texnologiya, shuningdek, davlat tashkilotlari, kasalxonalar, maktablar, bank va boshqa muassasalarga ham mos keladi.
Avvalroq Kanadada sun’iy intellektga ega ko‘zoynak yaratilgani, u o‘z egasining dangasalik qilishiga yo‘l qo‘ymasligi to‘g‘risida xabar berilgandi.
Izoh (0)