Kanadalik rassom va dizayner Gab Bois sahifasiga allaqachon yarim milliondan ortiq odam a’zo bo‘lgan.
Qizning yaratgan narsalari nihoyatda g‘ayrioddiyligi tufayli kishiga zavq bag‘ishlaydi, chunki Gab barcha libos va aksessuarlarni muzlatkichidagi narsalardan tayyorlaydi.
Albatta, Gab bunday narsalarning muddati o‘ta qisqa ekanligi bilan ko‘pchilikning fikriga qo‘shiladi — masalan, marmelad-jemper birpasda erib ketadi. Ammo qiz o‘z asarlarini ommaviy muhokama qilishdan ko‘ra, ularga san’at va tasavvurning ifodasi sifatida munosabatda bo‘lishni iltimos qiladi.
Gab, shuningdek, ajoyib zargarlik buyumlarini ham yasaydi. U shakarli uzuklarni sun’iy toshlar bilan bezatadi va Bryussel karamidan nafis bilakuzuklar tayyorlaydi — bu tom ma'noda qo‘lingizda turgan tayyor gazak.
Qiz poyabzal va sumkalar uchun ko‘pincha banan po‘stlog‘i va bulochkalardan foydalanadi. Shuni ta’kidlash kerakki, aynan karam Gabning ijodi uchun eng sevimli materialga aylanib ulgurgan.
Mavzuga doir:
- Islandiyalik dizayner jeledan kiyim yaratdi
- Yaponiyada pivo uchun iste’mol qilsa bo‘ladigan stakanlar yaratildi
- Finlyandiyalik olimlar havodan yegulik tayyorlash mumkin bo‘lgan texnologiyani yaratdi
- Londonda yesa bo‘ladigan lapsha qadog‘i yaratildi. U ustiga suv quyilganida sousga aylanadi
- Bolalar uchun yesa bo‘ladigan qumni yaratgan ayol internetda mashhur bo‘lib ketdi (video)
Izoh (0)