Italiyada avtomobil ishlab chiqaruvchi kompaniyalar tarixida birinchi bor Ferrari’ning kiyim-kechak bo‘yicha modalar ko‘rgazmasi bo‘lib o‘tdi, deb xabar beradi “Korrespondent.net”.
Tadbir Maranellodagi avtomobil zavodining yig‘ish sexida bo‘lib o‘tgan.
Birinchi kolleksiya bunga qadar Dolce & Gabbana, Giorgio Armani va Pal Zileri bilan hamkorlik qilgan taniqli dizayner Rokko Yannonega tegishli.
Lineykadan 52 ta namuna o‘rin olgan bo‘lib, ularning 80 foizi uniseks uslubida yaratilgan. Bu — qirqimlar va kapyushonga ega kurtkalar, qora-to‘q qizil rangli kamarga ega neylon trenchlar, qayta ishlangan plastik idishlardan yaratilgan qizil parka (shimolda yashovchi ba’zi xalqlarning qishlik kiyimi).
Ta’kidlanishicha, matolarning barchasi yuqori sifatli, shuningdek, suv va shamolga bardoshli. Biroq shu bilan birga, yengil teksturiga ega.
Avvalroq Hermes modalar uyi Rolls-Royce Phantom’ning noyob versiyasini yaratishda ishtirok etgani to‘g‘risida xabar berilgandi.
Izoh (0)