Koronavirus belgilarini tadqiq qilish bilan shug‘ullanuvchi britaniyalik epidemiolog Tim Spektor COVID-19’ning yangi shtammlari, xususan, Delta varianti kasallikning dastlabki kartinasi o‘zgartirib yuborganini ma’lum qildi, deb xabar beradi “Korrespondent.net”.
Yo‘tal, isitma, hid va ta’m bilishning yo‘qolishi — koronavirusning klassik belgilari hisoblanadi. Biroq Spektor jamoasi tomonidan minglab insonlardan olingan yangi ma’lumotlar ushbu belgilar tobora kam uchrayotganini ko‘rsatgan.
“Isitma chiqishi keng tarqalgan belgilardan biri bo‘lib qolmoqda, biroq hid bilishning yo‘qolishi COVID’ning eng keng tarqalgan belgilarining o‘ntaligiga ham kirmaydi”, — deydi olim.
Bosh og‘rig‘i, tomondagi og‘riq va tumov koronavirusning Britaniyada eng ko‘p tarqalgan belgisiga aylangan. Spektorning so‘zlariga ko‘ra, ushbu o‘zgarishlar Delta shtammi bilan kasallanish holatlari ortganiga bog‘liq bo‘lib, mamlakatdagi kasallarning 90 foizi mazkur shtamm aniqlanmoqda.
Epidemiologning ta’kidlashicha, infeksiyaga chalinganlarning aksariyati, ayniqsa, yoshlar o‘zida oddiy shamollash kuzatilyapti deb o‘ylamoqda. Bu koronavirus tarqalishiga bog‘liq vaziyatni murakkablashtiradi.
BBC ma’lumotlariga ko‘ra, qo‘shimcha belgilarning keng spektrini, shuningdek, London Imperiya kolleji tadqiqotchilari ham aniqlagan bo‘lib, unda milliondan ortiq inson qatnashgan. U Alfa shtammi dominantga aylanganida sinovdan o‘tkazilgan.
Yo‘tal, isitma va ta’m/hid bilishning yo‘qolishi bilan bir qatorda infeksiyaga chalinganlarning ishtahasi yo‘qolmoqda, boshi va bo‘g‘imlarida og‘riq kuzatilyapti.
Eslatib o‘tamiz, iyun oyida Jahon sog‘liqni saqlash tashkiloti COVID-19’ning shtammlariga grek alifbosi bo‘yicha nomlashni boshladi. Britaniya varianti uchun Alfa, Janubiy Afrika — Beta, Hindistonniki — Delta shtammlariga aylandi.
Izoh (0)