National Geographic beshinchi — Janubiy okean mavjudligini tan oldi va 8-iyun kuni uni xaritalarda qayd etishni boshladi. Bu haqda telekanal saytiga tayanib, “Korrespondent.net” xabar berdi. Ushbu sana tasodifan tanlanmagan, chunki chorshanba kuni “Xalqaro okeanlar kuni” nishonlangan.
National Geographic’dagilarning ko‘rsatishicha, 1915-yildan buyon ular faqat to‘rtta okean — Atlantika, Tinch, Hind va Shimoliy Muz okeanlarini qayd etib kelgan. Endi esa unda Janubiy okean ham paydo bo‘ldi — u quruqlik bilan o‘ralish o‘rniga, qit’ani o‘rab turgan yagona okeandir.
“Janubiy okean olimlar tomonidan ancha oldin tan olingan, biroq xalqaro darajada kelishuv bo‘lmagani sabab uni rasman tan olmagan edik”, — deydi Milliy geografiya hamjamiyati vakili Aleks Teyt.
Ta’kidlanishicha, uzoq yillar davomida geograflar Antarktida atrofidagi suvlar o‘z nomiga ega bo‘lishi uchun noyob jihatga ega yoki ega emasligini yoki u Tinch, Atlantika va Hind okeanlarining davomi ekanini muhokama qilib kelgan.
National Geograpgic dengiz nomlarida Xalqaro gidrografik tashkilotga (XGT) rioya qiladi. Tashkilot ularni aniqlashda bevosita javobgar bo‘lmasa-da, u BMTning xalqaro masshtabda nomlarni standartlashtirish borasidagi ekspertlar guruhi bilan hamkorlik qilib keladi.
1937-yilda XGT Janubiy okeanni tan olgan, biroq 1953-yilda ilmiy hamjamiyat bosimi ostida ushbu qarorni bekor qilgan.
AQShning geografik nomlar bo‘yicha kengashi alohida okean nomidan 1999-yildan buyon foydalanib keladi, 2021-yilning fevralida Amerikaning Milliy okean va atmosfera boshqarmasi tadqiqotlari davomida Janubiy okean alohida okean sifatida tan olingan.
Avvalroq olimlar Yer sayyorasidagi eng toza havo Janubiy okeanda ekanligini aniqlagan edi.
Mavzuga doir: G‘aroyib okean sirlari: yechimi topilmagan jumboqlar
Izoh (0)