Коронавирус белгиларини тадқиқ қилиш билан шуғулланувчи британиялик эпидемиолог Тим Спектор COVID-19’нинг янги штаммлари, хусусан, Дельта варианти касалликнинг дастлабки картинаси ўзгартириб юборганини маълум қилди, деб хабар беради «Korrespondent.net».
Йўтал, иситма, ҳид ва таъм билишнинг йўқолиши — коронавируснинг классик белгилари ҳисобланади. Бироқ Спектор жамоаси томонидан минглаб инсонлардан олинган янги маълумотлар ушбу белгилар тобора кам учраётганини кўрсатган.
«Иситма чиқиши кенг тарқалган белгилардан бири бўлиб қолмоқда, бироқ ҳид билишнинг йўқолиши COVID’нинг энг кенг тарқалган белгиларининг ўнталигига ҳам кирмайди», — дейди олим.
Бош оғриғи, томондаги оғриқ ва тумов коронавируснинг Британияда энг кўп тарқалган белгисига айланган. Спекторнинг сўзларига кўра, ушбу ўзгаришлар Дельта штамми билан касалланиш ҳолатлари ортганига боғлиқ бўлиб, мамлакатдаги касалларнинг 90 фоизи мазкур штамм аниқланмоқда.
Эпидемиологнинг таъкидлашича, инфекцияга чалинганларнинг аксарияти, айниқса, ёшлар ўзида оддий шамоллаш кузатиляпти деб ўйламоқда. Бу коронавирус тарқалишига боғлиқ вазиятни мураккаблаштиради.
BBC маълумотларига кўра, қўшимча белгиларнинг кенг спектрини, шунингдек, Лондон Империя коллежи тадқиқотчилари ҳам аниқлаган бўлиб, унда миллиондан ортиқ инсон қатнашган. У Альфа штамми доминантга айланганида синовдан ўтказилган.
Йўтал, иситма ва таъм/ҳид билишнинг йўқолиши билан бир қаторда инфекцияга чалинганларнинг иштаҳаси йўқолмоқда, боши ва бўғимларида оғриқ кузатиляпти.
Эслатиб ўтамиз, июнь ойида Жаҳон соғлиқни сақлаш ташкилоти COVID-19’нинг штаммларига грек алифбоси бўйича номлашни бошлади. Британия варианти учун Альфа, Жанубий Африка — Бета, Ҳиндистонники — Делта штаммларига айланди.
Изоҳ (0)