Seulda ko‘kat va sabzavotlar yetishtiriladigan “aqlli” tomorqa bo‘lgan noodatiy metro stansiyasi mavjud, deb xabar bermoqda Hi.Tech.Mail.ru.
Metro Farm deb nomlangan ferma Sangd stansiyasida joylashgan. Bu yerda faqat sabzavot va ko‘katlar yetishtiriladi.
Bu yerning noodatiyligi shundaki, “aqlli” tomorqadagi o‘simliklarni odamlar emas, balki robotlar va aqlli tizimlar kuzatadi. Ular suv, yorug‘lik, harorat, namlik va karbonat angidrid darajasini nazorat qiladi. Shuningdek, ular ko‘rsatkichlarning o‘zgarishini tahlil qiladi va natijalarni tezda yetkazadi. Barcha o‘simliklar vertikal binolarda o‘stiriladi.
“Mazkur tomorqada eng so‘nggi usul va texnologiyalardan foydalangan holda o‘simliklarni odatdagi fermer xo‘jaligiga qaraganda ikki baravar tez yetishtirish mumkin”, — deydi loyihaga egalik qiluvchi Farm8 kompaniyasi vakili.
Farm8 kompaniyasi shu kabi fermer xo‘jaliklarini boshqa joylarda, hatto Antarktidada ham qurishni rejalashtirmoqda. U yerdagi “aqlli” ferma janubiy koreyalik mutaxassislar nazorati ostida bo‘ladi. Rejaga ko‘ra, kuniga 2 kilogramm sabzavot, shu jumladan, chili qalampiri, qovoq va bodringdan hosil olish kutilmoqda.
“Agar Antarktidada bodring yetishtira olsangiz, uni istalgan joyda o‘stirishingiz mumkin”, — deydi startap asoschilari.
Izoh (0)