Arxeologlar Isroilning Yavne shahrida qadimiy tuxumni topishga muvaffaq bo‘ldi. Yoshi ming yildan oshganiga qaramay, tuxum butun holatda topilgan. Bu haqda Isroil Qadimiy yodgorliklar boshqarmasiga tayanib, “Korrespondent.net” xabar berdi.
Bundan tashqari, arxeologlar islom davriga oid uchta suyak qo‘g‘irchoqlarni topgan, taxminlarga ko‘ra, ularni ming yillar oldin bolalar o‘ynagan.
“Tuxum po‘stlog‘i parchalari oldin ham topilgan, masalan, Dovud shahrida, Keysariya va Apolloniyada, biroq tuxum po‘stlog‘ining yupqaligi sabab tovuq tuxumi butunligicha saqlanib qolmagan. Hatto butun dunyo miqyosida ham bu juda noyob topilma”, — deydi doktor Li Perri-Gal.
Ushbu topilmadan so‘ng qazish ishlari gidroejektorlar — kuchli suvosti pompalari yordamida amalga oshirila boshlangan. Ayrim arxeologlarning ta’kidlashicha, artefakt oqava suvlarga ega quduqda bo‘lgani sabab beshikast saqlanib qolgan.
Biroq tuxum qanday qilib u yerda paydo bo‘lganini aniqlash hozircha imkonsiz.
Izoh (0)