Arktikada dengiz muzining ulkan bo‘lagi erib ketdi. Mintaqa iqlimi uchun g‘ayriodatiy bo‘lgan havo haroratining keskin ko‘tarilishi muzliklarga ta’sir ko‘rsatmoqda. Bu haqda Scitech Daily’ga tayanib, “Korrespondent.net” xabar berdi.
“2007-yilga taqqoslaganda 2021-yilda qishki darajaga 21-martda erishildi. Bu sun’iy yo‘ldosh tomonidan qayd etilgan qishki dengiz muzining eng past darajasi hisoblanadi”, — deb ta’kidladi mutaxassislar.
Bu yil Arktika muzining maksimal darajasi 14,77 million kvadrat kilometrga yetdi. NASA ma’lumotlariga ko‘ra, bu 1981-yildan 2010-yilgacha qayd etilgan o‘rtacha ko‘rsatkichdan 880 ming kvadrat kilometrga kamroq.
Erigan muz maydonining kattaligi birgalikda hisoblanganda Ukraina va Italiya hududiga teng.
Ma’lumot uchun, 2021-yilning may oyida Arktikaning ba’zi hududlarida harorat 30 darajadan oshdi, bu esa ushbu davr uchun o‘rtacha ko‘rsatkichdan sezilarli darajada yuqori hisoblanadi.
Izoh (0)