Арктикада денгиз музининг улкан бўлаги эриб кетди. Минтақа иқлими учун ғайриодатий бўлган ҳаво ҳароратининг кескин кўтарилиши музликларга таъсир кўрсатмоқда. Бу ҳақда Scitech Daily’га таяниб, «Korrespondent.net» хабар берди.
«2007 йилга таққослаганда 2021 йилда қишки даражага 21 мартда эришилди. Бу сунъий йўлдош томонидан қайд этилган қишки денгиз музининг энг паст даражаси ҳисобланади», — деб таъкидлади мутахассислар.
Бу йил Арктика музининг максимал даражаси 14,77 миллион квадрат километрга етди. NASA маълумотларига кўра, бу 1981 йилдан 2010 йилгача қайд этилган ўртача кўрсаткичдан 880 минг квадрат километрга камроқ.
Эриган муз майдонининг катталиги биргаликда ҳисобланганда Украина ва Италия ҳудудига тенг.
Маълумот учун, 2021 йилнинг май ойида Арктиканинг баъзи ҳудудларида ҳарорат 30 даражадан ошди, бу эса ушбу давр учун ўртача кўрсаткичдан сезиларли даражада юқори ҳисобланади.
Изоҳ (0)