Amazon rahbari Jeff Bezos 20-iyul kuni Blue Origin kompaniyasining kosmik kemasida ukasi Mark Bezos bilan suborbital parvozni amalga oshiradi. Bu haqda Bezos o‘z Instagram’ida e’lon qildi, deb yozadi “Kommersant”.
“Besh yoshimdan kosmosga uchishni orzu qilardim. 20-iyul kuni men ushbu sayohatni ukam bilan birga amalga oshiraman”, — deb yozgan Amazon rahbari.
https://www.instagram.com/p/CP0MSOqnYEo/?utm_source=ig_embed&ig_rid=e55bd59c-8b31-42c7-b444-367efd2aa042
Parvoz New Shepard kosmik kemasida amalga oshiriladi. Bezosga tegishli Blue Origin kompaniyasi 2018-yilda kosmik sayyohlar uchun yo‘lovchi kapsulasining ichki qismi prototipini namoyish qilgan. Kabina olti kishiga mo‘ljallangan bo‘lib, o‘rindiqlar parvoz parametrlarini kuzatish uchun monitor va to‘rtta illyuminator bilan jihozlangan.
May oyi boshida Jeff Bezos kosmik kema uchun chiptalar sotuvi boshlanganini e’lon qilgandi. Blue Origin kompaniyasi 20-iyun kuni amalga oshiriladigan parvoz uchun bitta chiptani onlayn auksionga qo‘yishini ma’lum qildi. Parvoz vaqtida auksion g‘olibi va boshqa kosmik sayyohlar New Shepard kemasida Yerdan 100 kilometr balandlikka ko‘tariladi. Reuters’ning yozishicha, parvoz ishtirokchilari bir necha daqiqa davomida vaznsizlik holatini his qiladi va sayyoramizning egriligini tomosha qiladi.
Izoh (0)