“Tottenhem” hujumchisi Harri Keyn 2020/21-yilgi mavsum yakunlariga ko‘ra Premyer Liganing eng yaxshi to‘purari va eng yaxshi assistenti bo‘ldi.
27 yoshli futbolchi Angliya chempionatidagi 35 ta o‘yinda 23 ta gol va 14 ta golli uzatma amalga oshirdi.
Bir futbolchi mavsumda ham eng yaxshi to‘purar va eng yaxshi assistent bo‘lishi APL tarixida (1992-yilda tashkil etilgan) ikkinchi bor kuzatildi.
Avvalroq Endi Koul 1993/94-yilgi mavsumda “Nyukasl” safida ushbu ko‘rsatkichni qayd etgandi.
Ingliz OAVga ko‘ra, Keyn katta ehtimol bilan yozda “Tottenhem”ni tark etadi. Unga “Manchester Siti”, “Chelsi” va “Barselona”dan qiziqish borligi aytilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)