APL. “Tottenhem” “Chelsi”ni YChLga olib chiqdi, “Liverpul”, “Arsenal” va Manchester jamoalari mavsumni g‘alaba bilan yakunladi

Futbol bo‘yicha Angliya Premyer Ligasining so‘nggi — 38-turidan o‘rin olgan barcha uchrashuvlar 23-may, yakshanba kuni bo‘lib o‘tdi.

Chempionlar Ligasi yo‘llanmasi uchun kurashayotgan “Lester” o‘z uyida “Tottenhem”ni qabul qildi. Maydon egalari uchrashuv davomida ikki bor hisobda oldinga o‘tib oldi, biroq “shporlar” so‘nggi daqiqalarda Garet Beylning gollari evaziga g‘alaba tortib oldi. Bu orqali “Tottenhem” Yevropa Ligasi yo‘llanmasiga ega chiqish bilan birga “tulkilar”ni YChLdan quruq qoldirdi.

“Chelsi” safarda “Aston Villa”ga yutqazib qo‘ydi, ammo “Lester”ning mag‘lubiyati tufayli to‘rtinchi o‘rinni saqlab qoldi.

“Liverpul” esa Sadio Manening dubli evaziga “Kristal Pelas”ni taslim etdi.

“Manchester Siti” o‘zida “Everton” darvozasiga javobsiz beshta gol urgan bo‘lsa, “Manchester Yunayted” safarda “bo‘rilar”ni taslim etdi. Nikolya Pepening ikkita goli “Arsenal”ga g‘alaba keltirdi.

Shu tariqa Premyer Liga 2020/21-yilgi mavsumining yakuniy jadvali quyidagi ko‘rinishni oldi: