Futbol bo‘yicha Italiya A Seriyasining 38-turidan o‘rin olgan bahslar 23-may, yakshanba kuni bo‘lib o‘tdi.
Chempionlar Ligasi yo‘llanmasi uchun kurashayotgan “Milan” “Atalanta” maydoniga safar qildi. Frank Kessiening dubli milanliklarga g‘alaba olib keldi. Mazkur g‘alaba evaziga Stefono Pioli shogirdlari musobaqa jadvalida bergamoliklarni ortda qoldirgan holda mavsumni 2-o‘rinda yakunladi.
“Yuventus” safarda “Bolonya” bilan bahs yuritdi va yirik hisobdagi g‘alaba qo‘lga kiritdi. Turinliklar safida Alvaro Morata dubl qayd etgan bo‘lsa, Federiko Kyeza va Adriyen Rabyo bir martadan raqib darvozasiga yo‘l topdi. Mezbonlar bunga so‘nggi daqiqalardagi gol bilan javob qaytardi.
Mazkur g‘alaba va “Napoli”ning “Verona”ga qarshi o‘yinda ochko yo‘qotishi “Yuventus”ni to‘rtinchi o‘ringa olib chiqdi.
A Seriya 2020/21-yilgi mavsumi musobaqa jadvali quyidagi ko‘rinishni oldi:
A Seriya
38-tur bahslari
23-may, yakshanba
“Atalanta” — “Milan” 0:2
Gollar: 0:1 – 43, penalti Kessie, 0:2 – 90+2, penalti Kessie.“Bolonya” — “Yuventus” 1:4
Gollar: 0:1 – 6 Kyeza, 0:2 – 29 Morata, 0:3 – 45 Rabyo, 0:4 – 47 Morata, 1:4 – 85 Orsolini.“Napoli” — “Verona” 1:1
Gollar: 1:0 – 60 Rrahmani, 1:1 – 69 Faraoni.“Sassuolo” — “Latsio” 2:0
Gollar: 1:0 – 10 Kiryakopulos, 2:0 – 78, penalti Berardi.“Spetsiya” — “Roma” 2:2
Gollar: 1:0 – 6 Verde, 2:0 – 38 Pobega, 2:1 – 52 ash-Shaaravi, 2:2 – 85 Mxitaryan.“Torino” — “Benevento” 1:1
Gollar: 1:0 – 29 Bremer, 1:1 – 72 Telyo.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)