«Тоттенҳэм» ҳужумчиси Ҳарри Кейн 2020/21 йилги мавсум якунларига кўра Премьер Лиганинг энг яхши тўпурари ва энг яхши ассистенти бўлди.
27 ёшли футболчи Англия чемпионатидаги 35 та ўйинда 23 та гол ва 14 та голли узатма амалга оширди.
Бир футболчи мавсумда ҳам энг яхши тўпурар ва энг яхши ассистент бўлиши АПЛ тарихида (1992 йилда ташкил этилган) иккинчи бор кузатилди.
Аввалроқ Энди Коул 1993/94 йилги мавсумда «Ньюкасл» сафида ушбу кўрсаткични қайд этганди.
Инглиз ОАВга кўра, Кейн катта эҳтимол билан ёзда «Тоттенҳэм»ни тарк этади. Унга «Манчестер Сити», «Челси» ва «Барселона»дан қизиқиш борлиги айтилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)