Futbol bo‘yicha Italiya A Seriyasining so‘nggi turida “Inter” 23-may, yakshanba kuni “Udineze”ni qabul qildi.
Uchrashuvning 8-daqiqasida Eshli Yang milanliklarni oldinga olib chiqqan bo‘lsa, bo‘lim so‘ngida Kristian Eriksen jarima zarbasini aniq bajarib, ikkinchi golni urdi.
Ikkinchi bo‘limda “Inter” yana uch bor raqib darvozasini aniq nishonga oldi. Lautaro Martines, Ivan Perishich va Romelu Lukakuning gollaridan keyin hisob 5:0 ko‘rinishiga keldi. Bunga mehmonlar 79-daqiqada penaltidan urilgan gol bilan javob qaytardi.
Shu tariqa chempionlik masalasini muddatidan avval hal qilib qo‘ygan Antonio Konte shogirdlari mavsumni yirik hisobdagi g‘alaba bilan yakunladi.
A Seriya
38-tur bahsi
23-may, yakshanba
“Inter” — “Udineze” 5:1
Gollar: 1:0 – 8 Yang, 2:0 – 44 Eriksen, 3:0 – 55, penalti Martines, 4:0 – 64 Perishich, 5:0 – 71 Lukaku, 5:1 – 79, penalti Pereyra.“Inter”: Handanovich (Padelli, 46), Hakimi (Perishich, 57), Ranokkiya, D’Ambrozio, Yang, Sensi (Eriksen, 39), Galyardini, Vesino, Bastoni, Martines (Lukaku, 57), Pinamonti (Sanches, 65).
“Udineze”: Musso (Gasparini, 88), Molina, Larsen, Bonifatsi, Zegelar (Foresteri, 59), Pereyra, Uolas (Palumbo, 88), Samir, de Paul (Makengo, 69), Rodrigo Bekao, Okaka Chuka (Lyorente, 59).
Ogohlantirishlar: Martines (26).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)